TƏBRİK EDİRİK!..Uzun illərdir ki, “TURAN” İnformasiya Mərkəzinin Baş məsləhətçisi olan Prof.Dr. Tamella Aliyeva elə bu günlərdə həm də "TURAN" İnformasiya Mərkəzinin və "turan.info.az" saytının ELM şöbəsinin müdiri təyin olunub.
Tamella Alıyeva - 1951-ci ildə Beyləqan şəhərində anadan olub.
Bakı Dövlət Universitetini bititib.
1976-c ildən 2009-cu ilə kimi düz 33 il həmin ali məktəbdə çalışıb.
Namizədlik və doktorluq dissertasiyalarını müvəffəqiyyətlə müdafiə edib.
Filologiya elmləri doktoru, professordur.
1998-ci ildən elmi və pedaqoji fəaliyyətini qardaş Türkiyənin Eskişehir Osmanqazi Universitetində Türk dili və ədəbiyyatı bölümündə davam etdirib. Bir müddət ədəbiyyat fakültəsinin dekanı olub.
2008-ci ildə qardaş Türkiyənin Eskişehir valiliyi tərəfindən Türkiyə-Azərbaycan arasında qurduğu mədəni əlaqələrə görə mükafatlandırılıb.
2011-ci ildə nümunəvi fəaliyyətinə görə Azərbaycan Böyük Elçiliyi tərəfindən “İlin ən yaxşı müəllimi” seçilib.
Almaniyada fəaliyyət göstərən N.Gəncəvi adına İnstitutu və Vektor Mərkəzi tərəfindən “Türk Dünyasına Xidmət”, 2014-cü ildə Eskişehir Sənət Dərnəyi tərəfindən “Yunis İmrə Araşdırma”, iki dəfə Azərbaycan Məhsəti Şairləri Dərnəyi tərəfindən “Türk mədəniyyətinə xidmət” mükafatları ilə mükafatlandırılıb.
Daha sonra isə Türkiyədə Muş Alparslan Universitetinin türk dili və ədəbiyyatı kafedrasının müdiri vəzifəsində çalışıb.
Görkəmli ədəbiyyatşünas alim olmaqla yanaşı, həm də istedadlı yazıçı-jurnalist kimi tanınan, hələ gənclik illərindən Azərbaycan Yazıçılar Birliyinin və Azərbaycan Jurnalistlər Birliyinin üzvü olan Tamella xanım həmçinin Azərbaycanda çap olunan “Azərbaycan”, “Savalan” və “Şərqin səsi” qəzetlərinin, “Yada düşdü” jurnalının Türkiyə təmsilçisi olub.
Prod.Dr. Tamella Aliyeva 2026-cı ildə ailə vəziyyəti ilə əlaqədar olaraq doğma Vətənə - Azərbaycana qayıdıb.
“TURAN” İnformasiya Mərkəzi yarandığı gündən onun Baş məsləhətçisi olan Prof.Dr. Tamella Alıyeva elə bu günlərdə həm də "TURAN" İnformasiya Mərkəzinin və "turan.info.az" saytının ELM şöbəsinin müdiri təyin olunub.
Redaksiya Heyətimiz adından, bir daha - dəyərli ziyalımız, sevimli soydaşımız, görkəmli ədəbiyyatşünas alimimiz və tanınmış ictimai xadimimiz filologiya elmləri doktoru, professor Tamella Aliyevanı öz aramızda görməkdən məmnun olduğumuzu bildirir və onu ürəkdən təbrik edirik.
Eyni zamanda, Azərbaycan Yazıçılar Birliyinin və Azərbaycan Jurnalistlər Birliyinin üzvü, çox hörmətli Tamella xanıma ona uzun ömür, möhkəm cansağlığı və şərəfli fəaliyyətində yeni-yeni uğurlar arzulayırıq!...
Müşfiq BORÇALI,
"TURAN" İnformasiya Mərkəzinin və
"turan.info.az" saytlarının Baş redaktoru,
filologiya üzrə fəlsəfə doktoru,
Prezident təqaüdçüsü,
“Qızıl qələm” mükafatı laureatı
ZiM.Az
.
Muəllif huquqları qorunur. Məlumatdan istifadə etdikdə istinad mutləqdir.
