Məlum olduğu kimi, 2026-cı iI fevral ayının 3-4-də Qazaxıstan Prezidenti Kasım-Jomart Tokayevin Pakistana rəsmi səfəri olmuşdur.Pakistan rəhbərliyi tərəfindən Tokayevin yüksək səviyyədə ehtiramla qarşılanması - iki ölkə arasındakı strateji tərəfdaşlığın dərinləşdiyini göstərən mühüm diplomatik hadisədir.
Kasım-Jomart Tokayevin Pakistana səfəri Mərkəzi Asiya ilə Cənubi Asiya arasında siyasi dialoqun yeni mərhələyə qədəm qoyduğunu göstərir.
Qazaxıstan regionun aparıcı dövlətlərindən biri kimi; beynəlxalq arenada balanslaşdırılmış və praqmatik xarici siyasət yürüdür.
Pakistan isə geosiyasi baxımdan mühüm mövqeyə malik olmaqla yanaşı, müsəlman dünyasının nüfuzlu ölkələrindən biri hesab olunur.
Səfər zamanı keçirilən yüksək səviyyəli görüşlər dövlətlərarası münasibətlərin strateji tərəfdaşlıq səviyyəsinə yüksəldilməsinə xidmət edir. Bu əməkdaşlıq həm regional təhlükəsizlik, həm də beynəlxalq təşkilatlar çərçivəsində qarşılıqlı dəstəyi gücləndirir.
Xüsusilə İslam Əməkdaşlıq Təşkilatı, Şanxay Əməkdaşlıq Təşkilatı və digər beynəlxalq platformalarda ortaq mövqelərin formalaşdırılması perspektivləri genişlənir. Tokayevin Pakistana səfəri iqtisadi əməkdaşlığın genişləndirilməsi baxımından mühüm nəticələr vəd edir.
Qazaxıstan zəngin enerji ehtiyatlarına, kənd təsərrüfatı potensialına və geniş tranzit imkanlarına malikdir. Pakistan isə böyük bazar, inkişaf edən sənaye sektoru və strateji liman infrastrukturu ilə fərqlənir.
İkitərəfli əməkdaşlığın əsas istiqamətlərindən biri də nəqliyyat-logistika sahəsidir.
Qazaxıstanın Pakistan limanlarına çıxış əldə etməsi; Mərkəzi Asiya ölkələrinin dünya bazarlarına inteqrasiyasını sürətləndirə bilər. Xüsusilə Gvadar və Kəraçi limanları vasitəsilə yeni ticarət marşrutlarının formalaşması - regional iqtisadi əlaqələrin inkişafına mühüm təkan verə bilər.
İki ölkə arasında enerji sahəsində əməkdaşlıq da mühüm əhəmiyyət kəsb edir. Qazaxıstanın enerji resurslarının Pakistan bazarına çıxışı, eyni zamanda alternativ enerji və sənaye investisiyaları üzrə ortaq layihələr; hər iki ölkənin iqtisadi dayanıqlığını artırmağa xidmət edə bilər.
Bu proseslər Azərbaycan üçün də əlavə iqtisadi imkanlar yaradır. Xəzər hövzəsi vasitəsilə tranzit marşrutların genişləndirilməsi Azərbaycanı Avrasiya nəqliyyat və enerji layihələrinin əsas iştirakçılarından birinə çevirə bilər.Qazaxıstan ilə Pakistan arasında əməkdaşlığın güclənməsi Avrasiya məkanında yeni regional əməkdaşlıq platformasının formalaşmasına töhfə verə bilər.
Mərkəzi və Cənubi Asiya ölkələrinin inteqrasiyası - terrorizm, ekstremizm və transmilli cinayətkarlıq kimi təhlükələrə qarşı birgə mübarizə imkanlarını artırır.
Bu yaxınlaşma Avrasiya nəqliyyat dəhlizlərinin inkişafına müsbət təsir göstərir. “Şimal-Cənub” və “Orta Dəhliz” layihələrinin perspektivləri genişlənir.
Bu layihələr yalnız iqtisadi deyil, həm də geosiyasi sabitliyin möhkəmlənməsi baxımından strateji əhəmiyyət daşıyır.
Azərbaycanın təşəbbüskarı olduğu regional nəqliyyat və enerji layihələri bu proseslərin ayrılmaz hissəsinə çevrilə bilər. Bakı-Tbilisi-Qars dəmir yolu, Transxəzər nəqliyyat marşrutu və digər beynəlxalq layihələr; Qazaxıstan-Pakistan əməkdaşlığının genişlənməsi fonunda daha böyük əhəmiyyət qazanır.
Azərbaycan dövləti Qazaxıstanı qardaş, Pakistanı isə etibarlı dost və strateji tərəfdaş kimi qiymətləndirir. Hər iki ölkə ilə mövcud olan siyasi, iqtisadi və humanitar əlaqələr -- Azərbaycanın xarici siyasətində mühüm yer tutur.
Qazaxıstan ilə Azərbaycan arasında ortaq türk dünyası dəyərləri, Pakistan ilə isə tarixi dostluq və siyasi həmrəylik münasibətləri mövcuddur.
Bu baxımdan Qazaxıstan və Pakistan arasında əməkdaşlığın genişlənməsi; Azərbaycan üçün regional əməkdaşlıq şəbəkəsinin möhkəmlənməsi deməkdir.
Azərbaycan xalqı bu iki dost ölkənin yaxınlaşmasını səmimi şəkildə dəstəkləyir və bu münasibətlərin Avrasiya məkanında sabitliyin və inkişafın güclənməsinə xidmət edəcəyinə inanır.
Kasım-Jomart Tokayevin Pakistana səfəri Mərkəzi və Cənubi Asiya arasında siyasi və iqtisadi inteqrasiyanın yeni mərhələsinin başlanğıcı kimi qiymətləndirilə bilər.
Bu səfər yalnız ikitərəfli münasibətlərin inkişafına deyil, həm də geniş Avrasiya məkanında əməkdaşlıq və sabitliyin möhkəmlənməsinə töhfə verir.
Qəvami Sadıqbəyli,
Azərbaycan.
Telefon: + 994 51 980 23 66 ;
E-poçt : [email protected]
6 Fevral 2026-cı ii.
ZiM.Az
.
Muəllif huquqları qorunur. Məlumatdan istifadə etdikdə istinad mutləqdir.
