(Qardaş Türkiyədə yaşayan dəyərli şair dostum,
milliruhlu, milliqeyrətli qardaşım Yahya Azəroğluna)
Hörmətlə yanaşdın doğmana, yada,
Dostları atmadın heç zaman oda.
İstər üzdə olsun, istər arxada,
Söykənilən dağsan, ay Yahya qardaş!
Sənsən şeirinlə qalalar tikən,
Pisliyi, yamanı dibindən sökən.
Turan toxumunu ellərdə əkən,
Ətirli bir bağsan, ay Yahya qardaş!
Vətən sevdalısı sən olmusan, sən,
Hər iki Vətənə, məhəbbətin tən.
Olmaz bu timisalda yanından ötən,
Alnı, üzü ağsan, ay Yahya qardaş!
Eldar yadigarı,özün bilirsən,
Kədəri, sevinci bizlə bölürsən.
Maşallah, hər zaman elə gülürsən,
Damağı çox çağsan, ay Yahya qardaş!
Gözəllər Yahyaya eyləsinlər naz,
Dil açsın könlündə,dinsin kaman, saz.
Uğurun bol olsun, yaşa, yarat, yaz,
Nə qədər ki, sağsan, ay Yahya qardaş!
BELA ZƏNGİBASARLI
09.09. 2025.
ZiM.Az
.
Muəllif huquqları qorunur. Məlumatdan istifadə etdikdə istinad mutləqdir.
