TƏBRİK EDİRİK!..AMEA Nizami Gəncəvi adına Ədəbiyyat İnstitutunun İctimaiyyətlə Əlaqələr şöbəsinin müdiri, aparıcı elmi işçi, filologiya üzrə fəlsəfə doktoru, AYB-nin üzvü Gülnar Səma (Qasımlı Gülnar Vaqif qızı) elmi fəaliyyətlə yanaşı, həm də bədii və publisistik yaradıcılıqla da məşqul olur. O, istedadlı şairə-jurnalist kimi tanınınır. “Mən sehrli səmayam” (2001), “İçimdəki söhbətlər” (2011), “Gül” (2016) və s. kitabları oxucular tərəfindən böyük maraqla qarşılanıb. Elə bu günlərdə isə Gülnar Səmanın “Nar” adlı yeni şeirlər kitabı Türkiyədə işıq üzü görüb.
“Liz yayınları” tərəfindən çap olunan kitabın nəşriyyat redaktoru “Liz yayınları”nın rəhbəri Ramazan Seydaoğlu (Karataş), üz qabığındakı rəsm əsərinin müəllifi isə rəssam Nəvai Metindir.
Müəllifin 40 illik yubileyinə töhfə olaraq nəşr edilən bu kitab əsasən lirik şeirlərdən ibarətdir.
Biz də redaksiya heyətimiz adından tanınmış alim-şair-jurnalist çox hörmətli xanım Gülnar Səmanı yeni nailiyyəti münasibətilə ürəkdən təbrik edir və ona yeni-yeni yaradıcılıq uğurları arzu edirik!..
Müşfiq BORÇALI,
ZiM.Az
Muəllif huquqları qorunur. Məlumatdan istifadə etdikdə istinad mutləqdir.
