Var ol, vüqarlı insan, dəyərli müəllim, böyük hərflə yazılan əsl ata, dost, qürurlu kişi!Var ol, gələcək nəsillərə göstərə biləcəyimiz örnəyimiz, fəxrimiz!
Heç zaman unutmuram, Tahir müəllimin yubileyində Sizin əzbər söylədiyiniz o şeiri…
Və o zaman bizə dediyiniz söz hələ də qulaqlarımdadır: “Ağıllı insan çox dillər bilməlidir.”
Bəli, canım Əvəz müəllim, Siz atamın qısa, amma dəyərli dostluğunu bölüşdüyü, boyu, buxunu, xarakteri atama bənzəyən İnsansınız. Mən çox xoşbəxtəm ki, Sizin yetirmənizəm, Dağ vüqarlı müəllimim!
Hörmətli Zakir müəllimin dediyi kimi: Rəqsi də özü kimi vüqarlı olan Əvəz müəllim!
Yaşayın, yaradın, çünki Siz yaşadıqca Azərbaycan dilinin leksikonunda, təəssüf ki, bu gün unudulmaqda olan “Əsl Kişi”, “Böyük hərflə Kişi” anlayışı da Sizin sayənizdə yaşayır.
Biz gözümüzü açanda atalarımızı belə vüqarlı, mərd görmüşük. Bir baxışları yetərdi bizə. Ona görə biz cinayətkar böyüməmişik. Biz bu sözlərlə böyümüşük: “Əldən tutmaq Əlidən qalıb”, “Kişinin qapısını Kişi döyər”, “Əmanətə xəyanət olmaz.”
O illərə, o atalara bu gün cəmiyyətin çox ehtiyacı var.
Əvəz müəllim, bizə də, bu gənc nəsilə də sizin kimi atalara, müəllimlərə, dostlara çox ehtiyac var.
Yubileyiniz mübarək olsun!
Allah Sizi bədnəzərdən, pis niyyətdən qorusun!
Sizi sevən şagirdiniz
İNDİRA ŞƏMSİVARİ,
Dövlət Qulluğunun Dövlət Müşaviri,
Prezident təltifçisi
ZiM.Az
.
Muəllif huquqları qorunur. Məlumatdan istifadə etdikdə istinad mutləqdir.
