Bu günlərdə “Müasir Azərbaycan ədəbi dilində durğu işarələri” adlı yeni kitab çap olunub. Vahid Dumanoğlu və İlkin Əsgərin həmmüəllif olduğu kitab “Elm və təhsil” nəşriyyatında işıq üzü görüb.AMEA-nın Nəsimi adına Dilçilik İnstitunun İctimaiyyətlə əlaqələr şöbəsinin müdiri Təranə Şükürlü turan.info.az-a bildirib ki, kitab müasir Azərbaycan ədəbi dilində işlənən və dilçiliyin punktuasiya bölməsində öyrənilən durğu işarələrindən, onların işlənmə məqamlarından, dildə daşıdığı funksiyadan bəhs edir.
Bundan başqa, kitabın sonunda durğu işarələrini tədris prosesində daha yaxşı mənimsətmək üçün orijinal poetik nümunələr verilmişdir.
Kitab şagirdlər, tələbələr, magistrantlar, doktorantlar, orta və ali məktəb müəllimləri, jurnalistlər, ümumiyyətlə, geniş oxucu kütləsi üçün nəzərdə tutulmuşdur.
Müşfiq BORÇALI,
turan.info.az
.
Muəllif huquqları qorunur. Məlumatdan istifadə etdikdə istinad mutləqdir.
