1978-1983-cü illərdə A.S.Puşkin adına Tbilisi Dövlət Pedaqoji İnstitutunda mənim sevimli müəllimim olmuş görkəmli dilçi-alim, tanınmış türkoloq, filologiya elmləri doktoru, professor Mədəd Çobanovun ömür səhifəsinə nəzər yetirdikdə onun insani keyfiyyətlərini səciyyələndirən iki cəhəti xüsusilə vurğulamaq istərdim. Birincisi, bu nəcib insanı ziyalı kimi, şəxsiyyət kimi dəyərləndirməmək qeyri-mümkündür. Çünki o, bütün ömrünü xalqını, vətənini sevən milli düşüncəyə malik əsl vətəndaş kimi yaşamışdır.
İkincisi isə Mədəd müəllim işgüzar alim və peşəkar pedaqoq kimi özünü təsdiqləyə bilmişdi. Onun bu sahələrdə qazandığı nailiyyətləri isə zəhmətsevərliyi, işinə ruhla, canla bağlılığı, savadı və tərbiyəsi ilə əlaqələndirmək olar.
Əziz və unudulmaz müəllimimin bu nəcib keyfiyyətləri həmişə bir-birini tamamlayırdı.
Allah rəhmət eləsin. Ruhu şad olsun. Onun əziz xatirəsi bizim qəlbimizdə əbədi olaraq yaşayacaq!..
RAZİM MƏMMƏDOV,
ADPU Filologiya fakültəsinin
Ədəbiyyat kafedrasının müdiri,
filologiya elmləri namizədi, dosent
turan.info.az
.
Muəllif huquqları qorunur. Məlumatdan istifadə etdikdə istinad mutləqdir.
