Mayın 25-də Azərbaycan Milli Elmlər Akademiyasının (AMEA) Nizami adına Ədəbiyyat İnstitutunun Elektron akt zalında Azərbaycan ədəbiyyatşünaslıq elminin görkəmli nümayəndəsi, Əməkdar elm xadimi, akademik Kamal Talıbzadənin “Azərbaycan ədəbi tənqidinin tarixi (1800-1920-ci illər)” və “Seçilmiş əsərləri” kitablarının təqdimat mərasimi keçirilib.turan.info.az xəbər verir ki,
tədbirdə tanınmış elm və
mədəniyyət nümayəndələri,
Ədəbiyyat İnstitutunun,
Azərbaycan Respublikası
Mədəniyyət və Turizm
Nazirliyinin,
Mədəniyyətşünaslıq üzrə
Elmi-Metodiki Mərkəzin
və Abdulla Şaiqin
Ev Muzeyinin əməkdaşları
iştirak edirdilər.
Tədbiri giriş sözü ilə AMEA-nın vitse-prezidenti, Ədəbiyyat institutun direktoru, Millət vəkili, akademik
İsa Həbibbəyli açaraq, əvvəlcə Kamal Talıbzadənin həyat və yaradıcılığı barədə ətraflı məlumat verib, görkəmli alimin Azərbaycan ədəbiyyatşünaslığı tarixində mühüm xidmətlərindən danışıb.
Sonra qeyd etib ki, XX əsr Azərbaycan ədəbiyyatşünaslıq elminin ən görkəmli nümayəndələrindən olan akademik Kamal Talıbzadə Azərbaycan ədəbi tənqidinə, onun tarixi və nəzəriyyəsinin öyrənilməsinə bütöv bir ömür sərf edib.
Öz yaradıcılığında ədəbi əlaqələrə böyük önəm verən görkəmli alim bu istiqamətdə görülən işləri daha da zənginləşdirib.
O, həmişə gəncliyə diqqət göstərib, zəhmətkeş və istedadlı gənclərdən qayğısını əsirgəməyib.
Təqdim olunan nəşrlərin əhəmiyyətindən danışan AMEA-nın vitse-prezidenti akad. İ.Həbibbəyli bildirib ki, akademik K.Talıbzadənin Ədəbiyyat İnstitutunda hazırlanan “Seçilmiş əsərləri” AMEA-nın rəyasət heyətinin elmi nəşriyyat şurasının qərarı ilə “Elm” nəşriyyatında çap olunub.
Abdulla Şaiqin ev-muzeyində nəşrə hazırlanan “Azərbaycan ədəbi tənqidinin tarixi (1800-1920-ci illər)” kitabında isə akademik K.Talıbzadənin tənqidi görüşləri, Azərbaycan ədəbi tənqidinin tarixi kökləri, müvafiq sahənin əsas cərəyanları olan realist və romantik tənqid, şeirimizin, dramaturgiyamızın inkişaf mərhələləri haqqında elmi araşdırmaları əksini tapıb. Burada K.Talıbzadə tərəfindən ədəbi dil məsələlərinə də münasibət bildirilib.
AMEA-nın vitse-prezidenti akad. İ.Həbibbəylivurğulayıb ki, zəngin arxiv materialları və ədəbi-tarixə əsaslanan bu əsərlərdə müxtəlif tənqidi cərəyanların ideya-estetik özünəməxsusluqları dövrün ümumi ədəbi prosesi fonunda və müasirlik işığı altında izah olunur.
Bir sözlə, akademik Kamal Talıbzadə iyirminci yüzillik Azərbaycan ədəbiyyatının və ədəbiyyatşünaslığının geniş elmi portretini yaradıb.
Onun qiymətli elmi əsərləri müstəqillik dövrü Azərbaycan ədəbiyyatşünaslıq elminin müasir inkişaf yollarına işıq salır.
İnstitutun şöbə müdiri, filologiya elmləri doktoru Vaqif Yusifli “Görkəmli tənqidçi ədəbiyyatşünas Kamal Talıbzadə” mövzusunda məruzəsində bildirib ki, ədəbiyyat tarixçiliyi K.Talıbzadənin tənqidçi təfəkkürünün möhkəm dayağıdır. Ədəbi prosesin təqdimatında ədəbiyyat tarixinin faktlarına və hadisələrinə əsaslanmaqla, ədəbi gedişata istinad etməklə fikir və mülahizə yürütmək, dərin elmi ümumiləşdirmələr aparmaq alimin tənqidçi kimi münasibətini ifadə edən baxışlarının təzahürüdür.Tədbirdə filologiya elmləri doktorları, professorlar Alxan Bayramoğlu, Nizami Tağısoy, Şamil Vəliyev, ədəbiyyatşünas-tənqidçi Qurban Bayramov, filologiya üzrə fəlsəfə doktoru Elnarə Akimova, Mədəniyyət və Turizm Nazirliyinin sektor müdiri Azadə Hüseynova və başqaları çıxış edərək,
XX əsr Azərbaycan ədəbi tənqidinin görkəmli nümayəndəsi akademik Kamal Talıbzadənin ənənəvilik və müasirlik məsələlərinə xüsusi əhəmiyyət verdiyini bildirib, alimi Azərbaycan ədəbiyyatşünaslıq elminin formalaşmasında mühüm rol oynamış cəsarətli və obyektiv tənqidçi kimi səciyyələndiriblər.
Akademik Kamal Talıbzadənin ailəsi adından sənətşünaslıq üzrə fəlsəfə doktoru Ülkər Talıbzadə çıxış edərək Ədəbiyyat İnstitutunun rəhbərliyinə minnətdarlığını ifadə edib.
Tədbirə AMEA-nın vitse-prezidenti, Ədəbiyyat institutun direktoru, Millət vəkili, akademik İsa Həbibbəyli yekun vurub.
.
Muəllif huquqları qorunur. Məlumatdan istifadə etdikdə istinad mutləqdir.
