MİNNƏTDARLIQ

1990-cı ilin 20 Yanvar faciəsi zamanı əmioğlum - Azərbaycan İnşaat Mühəndisləri İnstitutunun (indiki Azərbaycan Memarlıq və İnşaat Universitetinin)
2-ci kurs tələbəsi ƏLƏSGƏR YUSİF oğlu QAYIBOV da şəhid oldu.

1991-ci ilin 20 Yanvarına qədər Qaraçöplü ziyalıların, ağsaqqalların təşəbbüsü və elin dəstəyi ilə doğulduğu QARAÇÖPdə ƏLƏSGƏR QAYIBOVun, eləcə də 9 Aprel Tbilisi - 20 Yanvar Bakı şəhidlərinin xatirəsini əbədiləşdirmək üçün
bir abidə ucaldıldı.

1991-ci ilin 20 yanvar günü, 20 Yanvar faciəsinin 1-ci ildönümündə Bakıdan və Tbilisidən gələn tanınmış
elm - mədəniyyət xadimlərinin, eləcə də Saqareco rayon rəhbərliyinin və kənd camaatının iştirakı ilə
QARAÇÖPdə abidənin
açılışı oldu.


2014 - cü ilin yazında Azərbaycan Respublikasının Gürcüstanda Fövqəladə və Səlahiyyətli səfiri
Azər Hüseynin təşəbbüsü, SOCAR-ın maliyyə dəstəyi ilə abidənin özü qalmaq şərti ilə postamentinin, ətrafının yenidən qurulub, abadlaşdırılması üçün layihə işlənildi.
Şəhidin ailə üzvləri və kənd ağsaqqalları ilə razılaşdıqdan sonra tikinti-quraşdırma işlərinə başlanıldı.
Artıq işlər yekunlaşıb.

Bu işdə zəhməti olanların hər birinə ƏLƏSGƏR QAYIBOVun ailəsi, qohumları və elimiz adından təşəkkür edirəm.

ULU TANRI ƏLƏSGƏR QAYIBOVa və bütün ŞƏHİDLƏRə rəhmət eləsin...

Salman MURĞUZLU.

.