Təhminə Qara qızı Məmmədova - 15 avqust 1961-ci ildə qədim Borçalı mahalının Başkeçid elində, indiki Gürcüstanın Dmanisi şəhərində anadan olub.1968-ci ildə Dmanisi rus orta məktəbinin birinci sinifə gedib.1978-ci ildə 10-cu sinifi müvəffəqiyyətlə bitirib. 1980-ci ildə Bakıdakı Tibb Məktəbinin mamalıq fakultəsinə daxil olub. 1983-cü ildə Bakı Tibb məktəbini müvəffəqiyyətlə bitirib, Gürcustana, dogma Başkeçidə qayıdıb. 1984-cü ildən Başkeçid xəstəxanasında tibb bacısı işləyib. Ötən əsrin sonlarında Başkeçiddə baş vermiş məlum olaylardan - azərbaycanlılara qarşı yönəlmiş böyük təqib və təzyiqlərdən sonra rayon mərkəzində çalışan yüzlərlə soydaşımız kimi, Təhminə Məmmədova heç bir səbəb göstərilmədən işdən azad olunub və Başkeçid (indiki Dmanisi) şəhərində yaşayan minlərlə soydaşımız kimi Məmmədovlar ailəsi də Azərbaycana köçməyə məcbur edilib. Başkeçiddə yaşayan soydaşlarımız pərən-pərən olunub, öz doğma isti ocaqlarından hərəsi bir yana dağılıb. Kimisi Azərbaycana, kimisi Rusiyaya üz tutub, kimisi Ukraynaya, kimisi də Orta Asiya respublikalarına...
Məmmədovlar ailəsi isə Bakıya pənah gətiriblər.
Elə o vaxtdan da Təhminə xanım əmək fəaliyyətini - Bakıda poliklinikada tibb bacısı vəzifəsini şərəflə davam etdirir.
Biz də hörmətli Təhminə xanıma uzun ömür, möhkəm cansağlığı və şərəfli fəaliyyətində yeni-yeni uğurlar arzulayırıq!..
turan.info.az
.
Muəllif huquqları qorunur. Məlumatdan istifadə etdikdə istinad mutləqdir.
