Süleyman İsmail oğlu Yusubov 1903-cü ildə qədim Borçalı mahalının Başkeçid (indiki Gürcüstanın Dmanisi) rayonundakı Qəmərli kəndində anadan olmuşdur. İlk təhsilini Tiflis şəhərində almışdır. Gənc yaşlarında ailəsini dolandırmaq üçün ağır zəhmətə qatlaşmış, səhərdən-axşama kimi torpaqda çalışmış, əkin-biçinlə məşğul olmuşdur.
Təhsilli olduğu üçün Rayonun vergi idarəsində işə düzəlmiş, sonra 2-ci Dünya Müharibəsi başlıyana qədər Şahmarlı və Qəmərli kəndlərində uzun müddət kolxoz sədri vəzifəsində çalışmışdır. Hər zaman kasıblara əl tutmuş, köməksizlərə dayaq olmuşdur.
Müharibə başlanan zaman müharibədə iştirak etmiş, Berlin şəhəri uğurunda vuruşda ağır yaralanmışdır.
Çoxlu qəlpə yaraları alan Süleyman İsmail oğlu gözlərini də itirmiş, o, yaralı halda döyüş meydanından həmyerlisi Nuru kişinin köməkliyi ilə çıxarılaraq hərbi xəstəxanaya çatdırılmışdır.
Müharibədən qayıdan Süleyman İsmail oğlu
həmişə dövlət nəzərətində olmuşdur.
Pulsuz müalicələrdə olmuş,
ona minik avtomobili və pul mükafatları verilmişdir.
Kəndin ən sevimli ağsaqqalı, müharibə vetaranı idi.
Hər xeyirdə-şərdə el ağsaqqalına hörmət var idi.
Həmişə gənclərə dəyərli məsləhətlərini verərdi.
Süleyman İsmail oğluna yaşadığı müddətdə ona «Qırmızı ulduz» və «Vətən müharibəsi» ordenləri, «Qafqazın müdafiəsinə görə», «1941-1945-ci illərin Böyük Vətən Müharibəsində Almaniya üzərində qələbəyə görə», «1941-1945-ci illərin Böyük Vətən Müharibəsində sücaətinə görə», «SSRİ Silahlı Qüvvələrinin 50 illiyi", "Leninin 100 illiyi" münasibətilə və başqa medallar verilmişdir.
Şərəfli bir ömür sürən, 7 övladı 32 nəvəsi olan elağsaqqalı Süleyman İsmail oğlu 1978-ci ilin fevral ayında əbədi olaraq haqq dünyasına qovuşmuşdur.
Doğulduğu kəndin qəbristanlığında dəfn olunmuşdur.
Allah rəhmət eləsin. Ruhu şad olsun.
[İ]BABAM
Süleyman babamın əziz xatirəsinə.
[/i]
Qafqazdan Berlinə döyüş yolunu,
Döyüşə-döyüşə keçmişdir babam.
Düşüb od içinə gör neçə dəfə,
Əcəl badəsini içmişdir babam.
Döyüş yollarında itirib gözün,
Şikəst saymamışdı bircə yol özün,
İstəyən olanda sonuncu közün,
Vermək vərdişini seçmişdir babam.
Heç zaman dövlətə, nə vara uyub,
Quruqda qoymayıb o nəyi soyub.
Sağikən rəhmətin qazanıb qoyub,
Halallıq kəfənin biçmişdir babam.
Rahilə QARALOVA,
turan.info.az
.
Muəllif huquqları qorunur. Məlumatdan istifadə etdikdə istinad mutləqdir.
