TƏBRİK EDİRİK!..Bu gün tanınmış iqtisadçı,
bacarıqlı dövlət qulluqçusu,
sevimli el ağsaqqalı
Xıdırnəbi Qaralovun doğum günüdür!
Daha doğrusu, yubileyidir!
Anadan olmasının 70 illik yubileyi!
Biz də "ZİYA"nın və "turan.info.az"-ın
bütün yaradıcı heyəti adından
çox hörmətli Xıdırnəbi müəllimi
yubileyi münasibətilə
ürəkdən təbrik edirik,
ona uzun ömür, möhkəm cansağlığı
və şərəfli fəaliyyətində yeni-yeni
uğurlar arzulayırıq!..
Xatırladırıq ki, Xıdırnəbi Həmid oğlu Qaralov -
1949-cu ilin 13 fevralında qədim Borçalı mahalının
Başkeçid (indiki Gürcüstanın Dmanisi) rayonundakı
Ormeşən kəndində anadan olub.
1964-cü ildə Ormeşən 8-illik məktəbini,
1966-ci ildə Darvaz orta məktəbini bitirib.
Elə həmin ildə Azərbaycan Dövlət Xalq Təsərrüffatı İnstitutuna daxil olub, oranı 1970-ci ildə fərqlənmə diplomu ilə başa vurub.
1970-1971-ci illərdə Bakı Elektrik Maşınqayırma Zavodunda iqtisadçı vəzifəsində çalışıb, sonra hərbi xidmətdə olub.
Uzun müddət (1976-1992-ci illərdə) Azərbaycan Dövlət Plan Komitəsi sistemində işləyib.
Əvvəlcə Dövlət Plan Komitəsinin Elmi-Tədqiqat İnstitutunda elmi işçi kimi, sonralar Dövlət Plan Komitəsinin özündə (mərkəzi aparatında) baş mütəxəssis vəzifəsində çalışıb.
1992-1993-cü illərdə Azərbaycan Respublikası Prezidenti Aparatında şöbə müdirinin müavini;
1993-1996-cı illərdə Azərbaycan Respublikasının Dövlət Antiinhisar Siyasəti və Sahibkarlığa Kömək
Komitəsinin sədr müavini vəzifələrində işləyib.
1996-cı ildən Azərbaycan Respublikası Prezidenti Administrasiyasının iqtisadi şöbəsində
baş məsləhətçi vəzifəsində fəaliyyət göstərir.
İqtisadi məsələlərə dair 30-a yaxın elmi əsərin müəllifidir.
Məqaləri Bakı və Moskvada çıxan elmi jurnallarda çap olunub.
Müşfiq BORÇALI,
ZİM.Az
Bax: Müşfiq Borçalı. Sazlı-Sözlü Başkeçid.
II cild. Bakı, 2015, səh.213-214.
.
Muəllif huquqları qorunur. Məlumatdan istifadə etdikdə istinad mutləqdir.
