Borçalı mahalı hərzaman istedadlı insanları ilə tanınmışdır.Yurdumuz idmanın bir çox növlərində
bəşəriyyətə tanınmış simalar bəxş etmişdir.
Bu simalardan biridə yunan-roma güləşi üzrə
iki qat SSRI çempionu,
iki qat Dünya çempionu,
üç qat Avropa çempion,
Dünya kuboknun sahibi,
FILA qramprisinin qalibi,
Olimpiya çempionu Kamandar Məcidovdur.
Kamandar Bafalı oğlu Məcidov - 17 Oktyabr 1961-cü ildə
qədim Borçalı mahalının Başkeçid (indiki Gürcüstanın Dmanisi)
rayonundakı Hamamlı kəndində anadan olmuşdur.
1973-cü ildən yunan-roma güləşi ilə məşğul olmağa başlamışdır.
1975-ci ildə Bakıda idman internatına qəbul olunmuşdur və güləş kariyerasını burada davam etdirmişdir.1982-ci ildə Minsk şəhərinə köçərək Belarusiya Dövlət Universitetinin hüquq fakültəsinə daxil olmuşdur. Həmin tarixdən etibarən Belarusiyanın adından çıxış etməyə başlamışdır.
1982-ci ildə Minskdə "Gənclərin Ümumittifaq yarışları-82"-nin qalibi olmuş.
1983-cü ildə gənclər arasında SSRİ çempionu olmuş.
1983-cü ildə SSRİ çempionatında bürünc medal qazanmış.
1983-cü ildə İvan Poddubnın xatirəsinə həsr olunmuş turnirin qalibi olaraq SSRİ yığma komandasına daxil edilmişdir.
Kamandr Məcidov 1984-cü ildə SSRİ yığma komandasının tərkibində İsveçin Yençepinq şəhərində 62 kq çəkidə Avropa çempionu olub.
1984 -cü ildə Dosdlug-84 turnirinin qalibi olmuş.
1985-ci ildə Leypsiqdə ikinci dəfə həmin çəkidə Avropa çempionatında qızıl medal qazanib.
Kamandar Məcidov "Əməkdə fərqlənməyə görə" medalına və "SSRİ-nin əməkdar idman ustası" adına layiq görülmüşdür.
1985-ci ildə Dünya çempionatında səkkizinci olur.
1986-cı ildə Budapeştdə 62 kq çəkidə Dünya çempionatının qızıl medalını qazanır.
Kamandar Məcidov 1987-ci ildə Dünya çempionatının gümüş, FILA qranprinin bürünc medallarına sahib çıxır.1988-ci il FILA qranprinin qalibi olur.
1988-ci il Seulda Yay Olimpiya oyunlarında SSRI yığmasının tərkibində Olimpiadanın qızıl medalını qazanır və planetin bu çəkidə ən güclüsü olur.
Kamandar Məcidov 1989-cu ildə Martinidə Dünya çempionatının ikinci dəfə qalibi olaraq qızıl medala sahib olur.
1990-cı ildə isə kariyerasında ilk dünya kubokunu qazanaraq çempionluq sevincini yaşayır.
1991-ci ildə Aşaffenburqda üçüncü dəfə Avropa çempionu olur.
1992-ci ildə sonuncu SSRİ çempionatının qızıl medalnı qazanır.
1993-cü ildə ardıcıllıqla Avropa çempionatında bürünc, Dünya çempionatında isə gümüş medalları qazanır.
1996-cı ildə Atlanta Olimpiya oyunlarında dördüncü, və Avropa çempionatında səkkizinci yerə çixir.
Kamandar Məcidov idman kariyerasında çox böyük naliyətlər qazanmış bir güləşçi olmuşdur.
İdman kariyerasından sonra məşqçilik fəaliyyətinə başlamışdır.
1998-ci ildən Belarus güləş yığmasına rehbərlik etmişdir.
1999-2000-ci illərdə Qazaxıstan yığmasında baş məşqçilik edib.
2002-2003-cü illərdə yenidən Belarus güləş yığmasında baş məşqçilik edib.
2004-cü ildə Yunanıstan,
2005-ci ildə isə Türkiyə millilərində məşqçilik edib.
Kamandar Məcidov tanınmış bir idmançı olmaqla yanaşı, həmdə cox zəngin bir məşqçilik fəaliyyəti olmuşdur.
Hal-hazırda Minsk Dövlət Universitetinin fiziki hazırlıq kafedrasının müəllimidir, Minsk şəhərində yaşayır.
turan.info.az
.
Muəllif huquqları qorunur. Məlumatdan istifadə etdikdə istinad mutləqdir.
