"Dədə Şəmşir! Sazın, sözün nəsillərə ərmağandır!"

Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının, Azərbaycan Respublikasının Mədəniyyət Nazirliyinin birgə həyata keçirdiyi 2020-ci il birinci qrant müsabiqəsinin qalibi olan "Məhsəti Şairlər Məclisi" İB 15 sentyabr 2020-ci ildə tərtib etdiyi "Dədə Şəmşir! Sazın, sözün nəsillərə ərmağandır!" adlı proqram ugurla həyata keçirildi.

Tədbiri "Məhsəti ŞM"-nin sədri Cəvahir Qaraqızı açdı. Dədə Şəmşirin həyat və yaradıcılığından söz açaraq, qeyd etdi ki, Aşıq Şəmşir ifaçı və yaradıcı aşıq, Azərbaycan Yazıçılar Birliyinin üzvü idi. O, 15 mart 1893-cü ildə Kəlbəcərin Dəmirçidam kəndində görkəmli el sənətkarı, şair Qurbanın ailəsində dünyaya gəlib.

Sonra Cəvahir Qaraqızı özünün Aşıq Şəmkirə həsr etdiyi "Ay Dədə Şəmşir" poemasını və “Məhsəti” ŞM-ni ilk yaradan çox hörmətli ziyalımız filologiya elmləri üzrə fəlsəfə doktoru, "Tərəqqi" medallı və çox saylı mükafatlat lauriatı Fəridə Ləmanın "Vətən olacam" şerini səsləndirdi.

Məclisdə tanınmış aşıq və şairlər də iştirak etdilər.

Əməkdar jurnalist, "Azərbaycan-Türkiyə" jurnalının baş redaktoru, Azərbaycan televiziyasında “Turan” proqramlarının baş redaktoru Zərnişan Azayeva, Məclisin ağbirçəyi "Şöhrət" ordenli sairə Səadət Buta maraqlı çıxışları ilə diqqəti cəlb etdilər.

Tədbirdə 3 yaşlı Məmməd Ramal oğlu Məmmədzadə "Qarabağ Azərbaycandır!" deyə hayqırtısı ilə hamının rəğbətini qazandı.

Sevilən şairələr Südabə İrəvanlı, “Aşıq Pəri” məclisinin sədri Pərvanə Zəngəzurlu, "Mirvari Dilbazi” məclisinin sədri Güllü Eldar Tomarlı, Aşıq Gözəl Kəlbəcərli, Aşıq Şükufə Naxçıvanlı, Aşıq Əli Vüqaroğlu, Aşıq Aida Gülzar, Aşıq Fikrət Borçalı, Aşıq Fatimə Məmmədova, Aşıq Şahin İsmayılov, Aşıq Nazənin Lerikli, şairlərdən Səadət Novruzqızı, Leyla Mətin, Elmira Mahalqızı, Xalidə İlyasqızı, Vokal ifaçısı İslam Ələsgərli, Türkan Həmidova və b. çıxış etdilər.

Sonda Cəvahir Qaraqızı Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının Sədri Azay Quliyevə, İcraçı direktor Fərasət Qurbanova, Azərbaycan Respublikasının Mədəniyyət Nazirliyinə və əməyi keçən hər kəsə öz təşəkkürünü bildirdi.

Zemfira AYVAZOVA,
turan.info.az



.