Beynəlxalq elmi ictimaiyyət tərəfindən birmənalı şəkildə nüfuzlu hesab edilən xarici elmi jurnallar.Qeyd: Azərbaycan Respublikasının Prezidenti yanında Ali Attestasiya Komissiyası
Web of Science bazasının (www. thomsonreuters.com) üç sitatqətirmə sistemindən
hər hansı birinə daxil olan jurnalları birmənalı şəkildə
nüfuzlu xarici elmi jarnallar hesab edir:
- Science Citation Index Expanded (dəqiq, təbiət və texniki elmlər üzrə);
- Social Science Citation Index (sosial elmlər üzrə baza);
- Arts and Humanities Citation Index (incəsənət və humanitar elmlər üzrə baza).
- Science Citation Index Expanded 2014 (dəqiq, təbiət və texniki elmlər üzrə);
- Social Science Citation Index 2014 (sosial elmlər üzrə baza);
- Arts and Humanities Citation Index 2014 (incəsənət və humanitar elmlər üzrə baza).
Bəs uğurlu elmi məqalə necə yazılmalıdır? Sualı Fəlsəfə üzrə Fəlsəfə Elimlər Doktoru Aydəm İsmayılov cavablandırır.
Əvvəlcə onu deyim ki, elmi məqalələri tələbələr, aspirantlar və özünü təsdiq etmiş alimlər yazırlar. Elmi məqalələrin nəşri - dissertasiya üzərində işin vacib hissəsidir. Verilən məqalənin məqsədi - ilk dəfə elmi məqalə yazmaq zəruriyyəti ilə qarşılaşan insanın rastlaşdığı əsas suallara cavab verməkdir. Bu mıqalədə belə məqalələr üzərində iş prosesi nəzərdən keçiriləcək.
Hər şeydən öncə gəlin müəyyənləşdirək ki, elmi məqalə nə deməkdir. Elmi məqalələr bu və ya digər mövzu problemi ilə bağlı olaraq bir və bir neçə problemi nəzırdən keçirir. Demək olar ki, elmi məqalə- hansısa müəyyən bir konkret mövzu üzrə tam əhatəli mini-araşdırmadır.
Elmi məqalələr aşağıdakı formalara ayrılır:
- Elmi nəzəriyyəvi - nəzəriyyə cəhətdən axtarışların izahı və onların qanunauyğunluq əsasında yerinə yetirilmiş araşdırmalarının nəticələrinin təsvir edilməsidir.
- Elmi- praktiki - (ampirik olaraq) - eksperiment və real təcrübələrin əsasında qurulur.
- Xülasə - Son bir neçə ildə hər hansı bir sahədə elmi nailiyyətlərin analizinə həsr olunur.
Elmi məqalə şəxsi nəticə və ya öz elmi araşdırmalarının aralıq və ya son nəticələrini, eksperimental və ya analitik fəaliyyətin təsvir edilməsini nəzərdə tutur. Bu cür məqalə müəllif araşdırmalarınıı nəticələrini və tövsiyələri özündə birləşdirir.
Bu o deməkdir ki, hər şeydən əvvəl elmi məqalə yenilik effektinə malik olmalıdır: o zaman təsvir edilən nəticələr əvvəllər çap olunmamalıdır. Müəllif elmi məqaləni çap etdirərək araşdırmaları seçdiyi sahədə öz adına möhkəmlədir.Məqalənin nəşr olunması üçün elmi jurnal seçərkən onun məqsəd və istiqaməti, impakt faktoru, çap olunma tezliyi, indeksləşdiyi elmi bazalar və oxucu auditoriyasının nəzərə alınması vacibdir. Məqalənin texniki tələblərə cavab verməməsi, jurnalın istiqamətinə uyğun olmaması, natamamlıq, anlaşılmazlıq və s. məqalənin qəbul olunmamasına gətirib çıxarır. Bundan əlavə elmii əsərləri oxumaqdan imtina etmək, plagiatlığa yol vermək, məqalənin əsas komponentlərini buraxmaq, yanlış istinad etmək, obyektiv hökmlərə nisbətən subyektiv hökmlərə üstünlük vermək, redaktor və rəyçilərin iradlarını qəbul etməmək elmi məqalənin uğursuzluğuna səbəb olan əsas amillərdən biridir.
turan.info.az
.
Muəllif huquqları qorunur. Məlumatdan istifadə etdikdə istinad mutləqdir.
