Ramiz Abdullayev - Turan.info.Az | "TURAN" İnformasiya Mərkəzi

Ramiz Abdullayev - Turan.info.Az | "TURAN" İnformasiya Mərkəzi https://turan.info.az/ tr Ramiz Abdullayev - Turan.info.Az | "TURAN" İnformasiya Mərkəzi DataLife Engine RAMİZ ABDULLAYEVİN YARADICILIQ GECƏSİ https://turan.info.az/tv/6518-ramz-abdullayevn-yaradiciliq-gecs.html https://turan.info.az/tv/6518-ramz-abdullayevn-yaradiciliq-gecs.html

]]> admin Sun, 11 May 2025 23:25:24 +0000 Bundan gözəl nə var, Mədəd müəllim!.. https://turan.info.az/edebiyyat/poeziya/33-bundan-gzl-n-var-mdd-mllim.html https://turan.info.az/edebiyyat/poeziya/33-bundan-gzl-n-var-mdd-mllim.html

Ramiz Abdullayev

Bundan gözəl nə var,
Mədəd müəllim!

Professor Mədəd Çobanovun
70 illik yubleyi münasibətilə

Dünya tərəfindən tanınan alim,
Vətənin adını yüksəltdin daim,
Fədakar zəhmətə,qovuşub əlim,
Bundan gözəl nə var Mədəd müəllim.

Dayaqsan gənclərə,örnəksən bizə,
Həqiqəti amalın,məsləkdir düzə,
Bilirik məqsədim çatmaqdır yüzə,
Bundan gözəl nə var, Mədəd müəllim.

Şeirimə,sözümə verib qiyməti,
Söylədin yaz,yarat,dayanma qəti,
Tanrı bəxş eylərkən,halal neməti,
Bundan gözəl nə var, Mədəd müəllim.

Azərbaycan adlı gözəl ölkədə,
Sevilə-sevilə çatdın hörmətə,
Yetərkən bu yolda şana şöhrətə,
Bundan gözəl nə var, Mədəd müəllim!

Yetmiş bir bəhanə,ömür yolunda,
Yüz qolların açıb,görür yolun da,
Dostlar ürəyi tən,bölür yolunda,
Bundan gözəl nə var,Mədəd müəllim!]]> Müşviq BORÇALI Wed, 10 Jun 2020 14:07:53 +0000 Xalq şairi Məmməd Araz: “Ramiz Abdullayev sevgi, məhəbbət, ülviyyət axtaran şairdir” https://turan.info.az/arxiv/ramiz-abdullayev/1547-xalq-airi-mmmd-araz-ramiz-abdullayev-sevgi-mhbbt-lviyyt-axtaran-airdir.html https://turan.info.az/arxiv/ramiz-abdullayev/1547-xalq-airi-mmmd-araz-ramiz-abdullayev-sevgi-mhbbt-lviyyt-axtaran-airdir.html Xalq şairi Məmməd Araz: “Ramiz Abdullayev sevgi, məhəbbət, ülviyyət axtaran şairdir”

Xalq şairi Məmməd Araz: “Ramiz Abdullayev sevgi, məhəbbət, ülviyyət axtaran şairdir”

Gənclik insan ömrünün çıraqbanı, ilhamçısı və sevgi dünyasıdır.
Yaradıcı insanlarda ilham və sevgi vəhdətliyi o dərəcədə yüksəkdə durur ki, gənc yaşlarında yaratdıqları poetik duyumlar damla-damla ruhlara hopur və sevgi dünyasında insanların güvənc yeri olur. Həmin yaradıcı gənclərdən biri də öz dəsti-xətti ilə seçilən Ramiz Abdullayevdir. Televiziya ekranlarında, radio dalğalarında sözlərinə bəstələnmiş mahnıları dinləmiş və bəyənmişəm. Onun “Sevgi dolu gecələr”, “Mənim gizli məhəbbətim”, “Görünmə sən gözlərimə”, “Ayrılıq olmayaydı” və s. mahnıları qəlbimi riqqətə gətirmişdir. Elə buna görə də 2000-ci ildə nəfis şəkildə çap olunan “Sevgi dolu gecələr” kitabına məmnuniyyətlə ön söz yazmışdım. Budur, şairin yeni kitabı qarşımızdadır: “Vətən torpağı”! Eyni adlı şeirlə başlayan poeziya çələngində vətən sevgili şeirlər xüsusi ilə diqqəti cəlb edir:

Bu gün,Vətən,sənin üçün həyatımdan keçərəm mən,
Öpüb sənin torpağını, gözlərimə çəkərəm mən,
Səni azad etmək üçün son qanımı tökərəm mən,
Arzum budur:sən azad ol, şəhid olum yolunda mən,
Təki yaşa, Azərbaycan, Odlar yurdu, sən ey Vətən!

“Mənim gizli məhəbbətim”şeirində şair özüylə bacara bilməməyini səbrin gücünün vüqarında, öz gizli məhəbbətinin ülviliyində axtararaq özünü Məcnuna bərabər tutur:

Gəl öldürmə, diriltmə sən,
Axtarsalar Məcnuna tən,
Söylərəm ki, o mənəm, mən,
Mənim gizli məhəbbətim.

Bəzən şair gözəllikləri məzəmmət edərək öz ilk sevgilərinə sadiq qalmağa çağırır. Onlara ən “sərt”misraları yağdırmağı belə rəva görür.
“Görünmə sən gözlərimə”misrasıyla bitən hər bənddə sözləri ilk sevgisinə “güllə” yağışı kimi yağdıraraq onu məzəmmət edir:

Sən ikiyə böldün ürək,
Qəmdən-qəmə bürünərək,
İlk sevgimi öldürərək,
İnanmıram sözlərinə,
Görünmə sən, gözlərimə.

Ramiz Abdullayev sevgi, məhəbbət, ülviyyət axtaran şairdir desək, səhv etmərik. Şair qardaşımıza həmişə axtarışda olmağı və yeni-yeni yaradıcılıq uğurları arzulayıram!

Məmməd ARAZ,
Xalq şairi.]]> Müşviq BORÇALI Mon, 13 Jun 2016 19:01:31 +0000 Xalq şairi Nəriman Həsənzadə: "Ramiz Abdullayevin poetik dünyası" https://turan.info.az/arxiv/ramiz-abdullayev/1548-xalq-airi-nriman-hsnzad-ramiz-abdullayevin-poetik-dnyas.html https://turan.info.az/arxiv/ramiz-abdullayev/1548-xalq-airi-nriman-hsnzad-ramiz-abdullayevin-poetik-dnyas.html

Xalq şairi Nəriman Həsənzadə: "Ramiz Abdullayevin poetik dünyası"

Xalq şairi
Nəriman Həsənzadə:
“Ramiz Abdullayev öz yaradıcılıq kredosu ilə şairdən tələb olunan bütün mənəvi-əxlaqi meyarlara cavab verən qələm sahibidir“

Ramiz Abdullayevin poetik dünyası

Yüksək poetik nümunələrdən söhbət düşəndə ən əvvəl yazar-oxucu duyumlarının, ağrılarının üst-üstə düşməsi ön plana çəkilməlidir. Belə ki, oxucu şair ağrısını öz iç süzgəcindən keçirib onları yaşayırsa deməli yazılanları dəyərləndirmək olar və lazımdır da. Çünki həqiqi qiyməti oxucu verir: onu nə aldatmaq, nə də qafiyələnmiş çıxdaş “məhsulla” başını qatmaq mümkündür. Yeri gəlmişkən vətəndaşlıq lirikasını, öz daxili yaşantılarına qurban verməyən şair yalnız alqışlanmağa layiqdir. Ramiz Abdullayev öz yaradıcılıq kredosu ilə şairdən tələb olunan bütün mənəvi-əxlaqi meyarlara cavab verən qələm sahibidir və bu amil sevindirməyə bilməz.
Efirdə, ekranda Ramiz Abdullayevin sözlərinə yazılmış mahnılarını çox dinləmişəm. Bəri başdan deyim ki,bəstələrin musiqi və janr əlvanlığı,mətnlərdəki dərin lirizm müəllifin böyük ürək sahibi,şair ürəyinə malik olan insanı göz önündə canlandırırdı. Çox şadam ki,bu təəssürat özünü Ramiz Abdullayevin kitablarında öz təsdiqini tapdı. İstər onun “Sevgi dolu gecələr” (2000-ci il), istərsə də “Vətən torpağı (2002-ci il), kitabı olsun. Hər ikisindən, eləcə də digər kitablarından bizlərə doğulduğu Bakını, ümumiyyətlə Azərbaycanı alovlu məhəbbətlə sevən bir şair boylanır: öz ürək pəncərəsindən boylanan bu şair oxucunu bütöv Vətən torpağı naminə mübariz olmağa çağırır və qələm süngüsü ilə öndə gedəcəyinə hamını inandırıcı şəkildə əmin etməkdədir. Elə “Azad edəcəyəm səni, Qarabağ” şeirindən bir parça gətirmək kifayətdir:

Dayanıb səngərdən baxıram sənə,
Düşmənlər sədd çəkib səninlə mənə,
Ürəyim, gözlərim bürünüb qəmə.
Düşmən sinəsinə çəkəcəyəm dağ,
Azad edəcəyəm səni, Qarabağ!

Gördüyünüz kimi müəllif həmvətənlərinə daima ayıq-sayıq olmağı tələb etməklə,onları bədbinlikdən çəkindirir və inandırır ki, Qarabağın düşməndən alınacağı gün heç də uzaqda deyil. “Vətən Torpağı” şeiri də nikbin ruhda köklənmişdir.Şair torpağa olan sevgisini necə də gözəl və poetik qələmə almışdır.
“Mənim əsgər qadaşım”, “Bakım”, “Vətən”, “Daglar”, “Mənim Maştağa kəndim” kimi şeirlər Ramiz Abdullayevin sevgi palitrasının genişliyini sözün qüdrəti ilə oxucuya çatdırır. Müəllifin Vətən ünvanlı şeirlərinin heç birində məlum qafiələrə rast gəlinmir, bu da onun zəngin söz ehtiyatına malik olduğunu göstərməkdədir.
Fəxarətlə vurğulamalıyam ki, şair poetik janrların hamısından uğurla istifadə edərək öz fikir əlvanlığını oxuculara təqdim etməkdə çətinlik çəkmir.
Ramiz Abdullayevin sevgi şeirləri olduqca cəlbedici və oxunaqlıdı. Məhz lirik misralarında o, oxucu qarşısına tam səmimiliyi ilə çıxır və onunla daxili çırpıntılarını, əzablarını bölüşdürməyə əsla utanmır. Çünki müəllif sevdiyi qadınla da ,onu oxuyanların yanında da safdır, açıqdır. Məhrəmlik isə Ramiz Abdullayevin böyüklük ölçüsüdür. “Mənim ilk məhəbbətim”, “Sevgi dolu gecələr” kimi şeirlər, “Səni gözləyəcək mənim gözlərim”, “Düşdüm”, “Xoşbəxt et məni”, “Əsmə ey külək” və başqa qəzəllər müəllifin ürək genişliyini,sevgilisinə sədaqətini açıqlığı ilə göstərməkdədir.
Ümumiyyətlə, Ramiz Abdullayevin yaradıcılıq universallığı poeziya ilə bitmir: onun dram əsərləri də dövlət dram teatrlarının səhnələrində uğurla tamaşaya qoyulur. Şair qardaşımın bir uğuruna da qəlbən sevindim: Azərbaycan ədəbiyyatının təmannasız dostu, şair-tərcüməçi Giya Paçxataşvili 2004-cü ildə Ramiz Abdullayevi rusdilli oxuculara təqdim etdi. Tərcüməçinin rus və azərbaycan dillərini mükəmməl bilməsi “Zemlya otçiznı” kitabının uğuruna təminat verdi. Son olaraq bunu deyə bilərəm ki,Ramiz Abdullayev öz şeirləri və mahnı mətnlərinin sanbalı ilə təsdiq etdi ki,o ədəbi aləmdə heç də təsadüfi adam deyil.Mən bu gözəl qəlbli insane, kövrək şairə yeni-yeni zirvələri qət etməyi arzulayıram. Tanrı səni və qələmini qorusun, Ramiz qardaşım!

Dərin hörmətlə:
Nəriman HƏSƏNZADƏ,
Xalq şairi.

“Dərbənd” qəzeti, 08 dekabr 2006.
“Bizim Lider” qəzeti, 06 mart 2009.]]> Müşviq BORÇALI Mon, 13 Jun 2016 18:49:13 +0000 İMZASINDAN TANINAN ŞAİR https://turan.info.az/arxiv/musfiq-borcali/1546-mzasindan-taninan-ar.html https://turan.info.az/arxiv/musfiq-borcali/1546-mzasindan-taninan-ar.html İMZASINDAN TANINAN ŞAİR

İMZASINDAN TANINAN SƏNƏTKAR
- NƏĞMƏKAR ŞAİR-DRAMATURQ
(Ön söz əvəzi)
Poeziya Tanrı vergisidir! - deyirlər. Bəli, bu, doğrudan da belədir! Adam var bu vergi ona üç yaşında verilir, Adam var, on üç yaşında, Adam da var ki… Adam da var ki, elə dünyaya gələndə şair doğulur!..
Şair var, bir sətirindən, bir bəndindən bəllidir. Adam var ki, qalın-qalın kitablar nəşr olunsa da şair kimi tanınmır.
Şair var, bir bəndini əzbərləmək üçün bir həftə vaxt sərf olunur. Şair də var ki, şeirləri qısa bir vaxtda nəğmələrə çevrilir, dillər əzbəri olur. Şair var, imzasını tanıdır, şair var imzasından tanınır.
İmzasından tanınan şairlərdən biri də Ramiz Abdullayevdir. Onun imzası bu gün Azərbaycanda oxuculara, xüsusilə də poeziya həvəskarlarına və nəğməsevərlərə artıq yaxşı tanışdır. Onun imzasını görən oxucu elə\ o dəqiqə böyük bir həvəslə həmin əsəri oxumağa can atır və bir su içimə oxuyub başa vurur… Və fikirləşir: «Görəsən, çoxdandır ki tanıdığı bu imzanın müəllifi kimdir?».
Əziz oxucular! Buyurun, imzasını tanıdığınız sənətkarın şərəfli və mənalı ömür yolunun səhifələri ilə Sizlər də tanış olun:
Ramiz Həbibulla oğlu Abdullayev 1953-cü il iyunun 23-də Bakı şəhərinin Maştağa qəsəbəsində anadan olub. 1960-1970-ci illərdə həmin qəsəbədəki 128 saylı orta məktəbdə oxuyub. 1970-ci ildə Bakı Dəmir Yolu Texnikumuna daxil olub. 1972-1974-cü illərdə hərbi xidmət borcunu şərəflə yerinə yetirib. 1975-ci ildə texnikumu bitirərək təyinatla Bakı-yük stansiyasına göndərilib və orada post növbətçisi, stansiya növbətçisi, manevra dispetçeri vəzifələrində çalışıb. 1978-ci ildə Dəmir Yolu İdarəsində neft doldurma şöbəsində dispetçer, 1979-1994-cü illərdə Bakı-Biləcəri sahəsində qovşaq dispetçeri, 1994-cü ildə Dəmir Yolu İdarəsində neft doldurma şöbəsində rəis müavini işləyib. 1995-1999-cu illərdə “Təfəkkür” Universitetində “Dəmir yolunun istismarı” ixtisası üzrə ali təhsil alıb. 1996-cı ildən indiyə qədər “Daşıma Prosesləri İdarəetmə” Birliyiridə rəis müavini vəzifəsində çalışır. Kollektiv arasında böyük hörmətə və nüfuza malikdir. “Fəxri dəmiryolçu” şərəflə daşıyır.
Ən əsası, Ramiz Abdullayevi tanıyanlar yaxşı bilirlər ki, o həm də bədii yaradıcılıqla da məşğul olur, gözəl qələm sahibidir, istedadlı söz ustasıdır, nəğməkar şairdir, bacarıqlı poeziya yaradıcısıdır, əsərləri tamaşaçılar tərəfindən böyük maraqla qarşılanan dramaturqdur.
Ramiz Abdullayevin ilk şeirləri respublikanın müxtəlif mətbuat orqanlarında - «Azərbaycan gəncləri», «Azərbaycan dəmiryolçusu», «Təhsil», «Şərqin səsi», «Ziya», «Elm və Təhsil», «Azad Azərbaycan», «Vişka», «Kirpi», və s. qəzet və jurnallarda, «Addımlar» (1995, 1996) poeziya toplularında çap olunub, sonralar bir neçə kitabı nəşr olunub, əsərləri radio və televiziya verilişlərində səslənib. İki yüzdən çox şeirinə nəğmə bəstələnib əsərləri tamaşaya qoyulub. Şeirləri və mahnıları toplanmış 22 audio və 7 video kasset dinləyicilərinin ixtiyarına verilib. Daha dəqiq desək, tanınmış bəstəkarlardan 25 nəfəri şairin 250-dən artıq şeirinə musiqi bəstələmiş və 80-dən artıq müğənninin ifasında həmin mahnılar xalqımıza təqdim olunmuşdur. Haqqında neçə-neçə məqalələr yazılmış, filmlər çəkilmişdir. Hələ 2003-cü ildə Ramiz Abdullayevin 50 illik yubileyi ərəfəsində Nyu-York Elmlər Akademiyasının akademiki, filologiya elmləri doktoru, professor Mədəd Çobanov “Nəğməkar şair - Ramiz Abdullayev - 50” adlı ayrıca kitab yazmış və nəfis şəkildə nəşr etdirərək oxucuların ixtiyarına vermişdir.
Ramiz Abdullayevin «Necə unudum səni» adlı ilk şeirlər kitabı 1996-cı ildə «Qızıl qələm» mükafatı laureatı, şair Oktay Rzanın «Təbiilik də var, səmimilik də…» sərlövhəli ön sözü ilə oxucuların ixtiyarına verilib.
Şairin «Sevgi duyğuları» adlı ikinci kitabı 1997-ci ildə tanınmış alim-şair, professor Vafiq Nəsirin «Uğurlar arzusu ilə» sərlövhəli ön sözü ilə işıq üzü görüb. Mövzulara uyğun surətdə dörd bölmədə cəmləşdirilmiş həmin kitabın «Vətəni düşməndən azad edək biz!..» sərlövhəli birinci bölməsində Ana Vətənimiz, müqəddəs Odlar yurdu Azərbaycanla, o taylı-bu taylı el-obalarımızla, yağı düşmən tapdağı altında qalıb bizi haraylayan min bir bərəkətli torpaqlarımızla bağlı qələmə aldığı şeirlər toplanmışdır. «Saf məhəbbət üsdə düşməz kölgələr…» sərlövhəli ikinci bölmədə müəllifin saf sevgi və məhəbbət ruhlu lirik şeirləri verilmişdi. Üçüncü bölmədə şairin sözlərinə bəstəkar Nadir Məmmədovun bəstələdiyi mahnıların mətnləri, dördüncü bölmədə isə müəllifin «Qəzəllər»i toplanmışdır.
2000-ci ildə nəfis şəkildə və Azərbaycanın Xalq şairi Məmməd Arazın «Ön sözü» ilə açılan «Sevgi dolu gecələr» (101 nəğmə) adlı üçüncü kitabı Ramiz Abdullayevə daha böyük uğurlar gətirdi. 2001-ci ildə istedadlı qələm sahibi Ramiz Abdullayev dördüncü kitabı ilə yenidən oxucuların görüşünə gəldi. Özü də bu dəfə tam başqa üslubda, tam başqa bir əsərlə!.. Onun növbəti kitabı - «Olacağa çarə yoxdur!» adlı iki hissəli musiqili kamediyası da böyük maraqla qarşılandı. C.Cabbarlı adına İrəvan Azərbaycan Dövlət Dram teatrının aktyorları tərəfindən Azərbaycan Milli Akademik Dram Teatrının və Ş.Qurbanov adına Musiqili Komediya Teatrının səhnələrində tamaşaya qoyuldu. Tamaşa bütövlükdə AzTV-1-də və digər TV kanallarında göstərildi. Tammaşaçıların qəlbinə yol tapdı. Bir qədər sonra isə AzTV-1-də eyniadlı film çəkildi və tamaşaçılara təqdim olundu.
Daha sonralar isə Ramiz Abdullayevin “Biznesmen” (2004) və “Pasport” (2008) adlı daha iki musiqili komediya əsəri oxucuların ixtiyarına verildi. 2007-ci ildə dramaturq Ramiz Abdullayevin “Biznesmen” adlı iki hissəli musiqili komediyası C.Cabbarlı adına İrəvan Azərbaycan Dövlət Dram Teatrının aktyorları tərəfindən Ş.Qurbanov adına Musiqili Komediya Teatrının səhnəsində oynanıldı, tamaşa “Space” TV tərəfındən çəkildi və bütövlüklə telekanalda göstərildi. 2008-ci il iyun ayında isə Ramiz Abdullayevin “Pasport” adlı iki hissəli musiqili komediyası Dövlət Gənclər Teatrının aktyorları tərəfindən Ş.Qurbanov adına Musiqili Komediya Teatrının səhnəsində oynanıldı, “Space” TV tərəfındən çəkildi və bütövlüklə telekanalda göstərildi.
Onu da qeyd edək ki, 2002-ci ildə yenə bizim naşirliyimiz və “İmzasından tanınan sənətkar” sərlövhəli “Ön söz”ümüzlə şair Ramiz Abdullayevin “Vətən torpağı” adlı daha bir şeirlər kitabı “Borçalı” nəşriyyatı tərəfindən nəfis şəkildə çap olunaraq oxucuların ixtiyarına verilmişdir. Bir qədər sonra həmin kitab tanınmış şair-tərcüməçi Givi Paçxataşvili tərəfindən bütövlüklə və eyni zamanda böyük ustalıqla rus dilinə çevrilmiş və nəfis şəkildə nəşr olunaraq oxuculara təqdim olunmuşdur.
Daha sonralar isə Ramiz Abdullayevin “Bahar yağışı” (2006), “Sevgi çiçəyi” (2008), “101 kəlam” (2010), “Seçilmiş şeirlər” (2013) kitabıları işıqüzü görmüşdür.
Böyük sevinc və fərəf hissi ilə onu da vurğulayaq ki, Ramiz Abdullayev qısa bir vaxtda «Abdulla Şaiq», «Vətən», «Qızıl Qələm», «Qızıl açar» və “Qızıl Buta” mükafatları ilə təltif olunmuş, Azərbaycan Yazıçılar Birliyinin və Azərbaycan Jurnalistlər Birliyinin üzvü seçilmiş… Dədə Qorqud” adına “Vətən Övladı” qızıl medalına layiq görülmüşdür... Bu uğurlar həmışə məni də sevindirmişdir. Çünki Ramiz Abdullayevin əsərlərinin demək olar ki, əksəriyyətinin işıqüzü görmasində mənim də əməyim var və onun bir-birindən maraqlı və oxunaqlı olan çoxsaylı kitablarını məhz mən redaktə etmiş və nəşrə hazırlamışam.
Budur, istedadlı nəğməkar şair-dramatuq qardaşımız Ramiz Abdullayev haqında daha bir kitabı oxucuların ixtiyarına veririk. Bu kitabda müxtəlif vaxtlarda onun haqqında yazılmış məqalələr toplanmışdır. Əminəm ki, bu kitab da Ramiz Abdullayevin öz kitabları kimi oxucular tərəfindən böyük maraqla qarşılanacaq. Elə buna görə də, əvvəlcədən Ramiz Abdullayevi ürəkdən təbrik edir, ona uzun ömür, möhkəm cansağlığı və yeni-yeni yaradıcılıq uğurları arzulayırıq!
Müşfiq BORÇALI/.]]> Müşviq BORÇALI Mon, 13 Jun 2016 18:39:08 +0000 SEVGİDƏN AÇILAN İLHAM YELKƏNİ https://turan.info.az/arxiv/ramiz-abdullayev/1549-sevgdn-ailan-lham-yelkn.html https://turan.info.az/arxiv/ramiz-abdullayev/1549-sevgdn-ailan-lham-yelkn.html

Ramiz Abdullayevin “ANA YURDUM MƏNİM AZƏRBAYCANIM” kitabına yazılmış ön söz

SEVGİDƏN AÇILAN İLHAM YELKƏNİ

Azərbaycan Yazıçılar və Azərbaycan Jurnalistlər Birliklərinin üzvü, “Abdulla Şaiq”, “Nəriman Nərimanov”, “Qızıl Qələm”, “Qızıl Buta”, mükafatları laureatı, “XXI Əsrin Ziyalısı”, Fəxri adına və “Vətən Övladı” Qızıl medalına layiq görülmüş nəğməkar şair və istedadlı dramaturq Ramiz Abdullayev imzası artıq kifayət qədər Azərbaycan oxucusuna tanışdır. İndiyənədək onun işıq üzü görmüş pyesləri, şeir kitabları bizə bunu deməyə əsas verir.
Bu gün isə Ramiz müəllim “Ana yurdum mənim Azərbaycanım!” adlı yeni şeirlər kitabı ilə siz oxucuların görüşünə gəlir. Burada müəllifin yurd sevgisindən bəhs açan, ana yurdunu vəsf - tərənnüm edən misralarının, gözəlliyi tərifə çəkən nümunələrinin sehrinə düşəcəksiniz, ülvi sevgi duyğularının öz ilham yelkənini açdığının şahidi olacaqsınız. Bir sözlə, kitabdakı şeirlərin hamısının bir ana qaynağı var - yurda sevgi, gözələ sevgi, gözəlliyə sevgi.

Adının sonluğu canla bağlıdır,
Şəhidlərdən axan qanla bağlıdır.
Dünyada şöhrətin şanla bağlıdır,
Ana yurdum mənim Azərbaycanım!

Bənddəki vurğuya fikir verək: Azərbaycan adlı məmləkətimizin adındakı son heca “ can ” hissəciyi ilə bitir. Ramiz Abdullayev bu ifadəni elə-belə, gəlişi gözəl mənada, daha doğrusu, təsadüfi hissəcik hesab etmir.
Ramizin şairanə qəribəliyi bu şeirdə buradadır ki, “can” tərkibinə başqalarından fərqli şəkildə, təmamilə fərqli məzmun məzmun verir. Bu məzmunun sirrini ikinci misrada barbaşa ifadə edir: “Şəhidlərdən axan qanla ” bağlayır bu mənanı. (Başqa sözlə Azərbaycan kəliməsindəki “can” sözünü şəhidlərin canı ilə bağlayır.) Belə bir fikir hasilə gəlir ki, Azərbaycan adlı vətənimiz şəhidlərin canından axan qanla vətən yaşayıb, yaşayır. Bəli, bu, doğrudan da, belədir, əgər torpaq uğrunda ölən olursa, o yurd, o torpaq vətən olur, vətən status qazanır. Bax, bizim vətənimiz, Azərbaycanımız da, uğrunda qurban gedən qəhrəmanlarının, şəhidlərimizin al-qanı hesabına mövcud olub, mövcuddur…
Bax, Ramiz Abdullayevin vətən sevgisi yuxarıdakı misraların ruhundan bu cür ifadə olunur, birmənalıdır.
Bax beləcə, vətən sevgisində bu cür saf və səmimi olduğu kimi, gözəllərə qarşı ilqarında, məhəbbətində də başqa cür israrlıdır, təmizdir.
“Güldür məni, gülsün o qara gözlərin, ey gül” misrası üstündə başlayan bir nümunədə də biz aşiqanə, lirik mövzunun sehrinə düşürük:

Safdır sənə olan bu eşqi-məhəbbət,
Qoyma ki, baxa gözləri gözəllərin, ey gül.
Ramiz, gedirəm mən görüşə yar ilə xəlvət,
Olmaz səbri-qərarı dözənlərin, ey gül.

Burada bir incə nüansa diqqəti çəkmək istərdik:

“qoyma ki, baxa gözləri gözəllərin, ey gül” misrası. Yəni lirik aşiq obrazı öz sevgilisini qısqanır və həm də özünü öz sevgilisinə qısqandırmaq məqsədilə: “qoyma mənə başqa gözəllər də baxsın, ey gül” deyə müraciət edir. Maraqlıdır ki, qısqanmaq hər bir sevən qəlb üçün təsir əlamətidir. Amma qısqandırmaq özü bir “kəşfdir”- yəni özünü istədiyinə qısqandırmaq istəyi artıq sevgidəki, eşqdəki ifrat saflığa dəlalət edən amildir. Bax, Ramiz Abdullayevin misralarından süzülən sevgi fərqi yoxdur, bu sevginin obyekti istər gözəl olsun, istər vətən olsun, istər təbiət olsun, beləcə pakdır və ifrat dərəcədə qısqanclıq doğuran saf sevgidir.
Yaxud da bir başqa nümunədə Ramizin sevgi anlayışına münasibətinə fikir verək:

Bəlkə də bir qədər qəribə gələ,
Vardır min sevənin, birisi də mən.
Etiraf edənlər onlardı hələ,
Susub, lal-dinməzdi, ölüsü də mən.

“Susub lal-dinməzdi, ölüsü də mən.” Bir qədər qəribə məntiqlə ifadə edilsə də, məsələnin məğzi belə qoyulub ki, gözələ xitabən bildirilir ki, bu gözəlliyə valeh olub vurulanların biri də mənəm. Bununla gözəlin pərəstişkarlarının çox olduğu bildirilir, yəni hədsiz gözəldir ki, bu qədər müştərisi, sevəni var, bunlardan biri də mənəm deyə etiraf edir.
İlk baxışdan düşünürsən ki, hə, nə olsun ki: “birisi də sən”. Amma digər iki misrada fikir tündləşdirilir, sevgisini açıb etiraf edənlər onlarladır, yüzlərlədir, amma susub, lal, dinməz olanları da var. Çünki əsl sevgi dilsiz olur, aşiq susub , lal, dinməz olur. Lakin bu susmağın içində daha susqun birisi var ki, o nəinki susub, lal olub, hətta “ölüb də” - ölü kimi lal olub. Bax, bu mübaliğə üsulundan müəllif yetərincə istifadə edib deyir ki, bu susanların “ölüsü də mən”əm. Ona görə növbəti bənddə bildirilir ki, hətta sözləri hüzurunda dayanıb, söyləmək üçün əzbərləsəm də, yenə də bu sevgi sözünü dilə gətirə bilmərəm.
Yekun bənddə isə Ramiz Abdullayev birbaşa açıqlayır ki:

Sənsiz bu dünyada buz tək donaram,
Etiraf etməkçün sənə sözümü.
İztirab, əzabdan heykəl quraram,
Sənə göstərməkçün eşqin özünü.

“Sənə göstərməkçün eşqin özünü.” Bəli, buz tək donub heykəlləşəcəyini dilə gətirir. “Eşqin özünü göstərmək üçün” sevgi yolunda çəkdiyi zillət və əzabdan “heykəl qurar”- heykələ dönər fədakar aşiq obrazı. Heykəl isə dinib-danışmaz, bu, məlum həqiqətdir.
Ramiz Abdullayev qəzəl janrına müraciət edəndə də təbii ki, gözələ olan ülvi sevgidən yanıqlı-yaralı bir aşiq fədakarlığı ilə bəhs edir.

Bir baxışı atəş yaxır, digər baxır çox sadəcə
Bəlkə də hiss etməyib, yaydan atır ox sadəcə…

Bir cümlə ilə başlayan “sadəcə” rədifli qəzəldə çox maraqlı bir səhnə təsvir olunub. Baxışın birindən sevgi atəşinin ələyib yağdığını göstərməklə, fikrindən sadəcə soyuqluq yağdığını ifadə etməklə, əslində bir təzad, kontrast yaradıb. Bu təzadlı qütblərin fonunda öz şairanə duyğularını daha emosianal tərzdə ifadə etməyə şans qazanır. Növbəti bir bənddə yazır ki:

Bir mələkdi, cənnəti tərk eyləyib gəlmiş bura
Heç kəsə bildirmədən məftun edir bax, sadəcə.

Müəllif sevdiyi gözəlin cənnəti tərk edib, insanların arasına gəlib girmiş huri mələk olduğunu iddia edir, özü də bu gözəl elə bir xoş simalı bəxtəvərdir ki, nə bu sirrini kimsəyə bəyan edir, nə də kimisə öz eşq oduna salıb yandırdığını büruzə verir.
Amma bu gözəlliyə məftun olub vurulan fədakar aşiq, məcnun özünə qapılıb sevgi əzabını çəkir, özü də bu əzab ona görə həm də acıdır ki, bu dərdi içində xəlvəti çəkir və dərdini bölüb yüngülləşməyə özünə bir həmdərdi, sirdaşı da yoxdur.
Bax, Ramiz müəllimin qeyri-adi ifadə üsulları ilə dediklərindən bu məzmun üzə çıxır. Daha sonra isə bir yerdə qeyd edir ki:

Dünya ləzzət etməz idi, olmasa sən tək gözəl
Ver mənə ləzzət sonunda, çarmıxa tax sadəcə.

Yəni aşiq gözəlin yolunda nə qədər sevgi hicrində yanıb-qovrulsa da, bundan kədərlənmir, əksinə belə qənaətdədir ki, belə gözəl olmasa dünya adama dadsız, ləzzətsiz kimi görünərdi. Bax, aşiq fədakarlığını, özünü bu cür təzahür etdirir. Lakin sonda gözələ qovuşmağı arzulayıb, “məni çarmıxa çəkməklə bu dünyanın ləzzətini göstər” deyə iddia qaldırır. Əlbəttə, bu iddia ikibaşlı mənaya yönləndirilir ki, aqil oxucu özü üçün burdan istər sufi-mistik mənanı, romantik sevgini qavrayıb nəticə çıxarır, istərsə də sadəcə buradakı hərfi mənanın təsiri ilə dünyəvi eşqə qovuşmanın cismani ləzzət gətirəcəyini vərəvurd edib anlayır. Hər iki halda müəllif istər platonik sevgini, istərsə də həqiqi dünyəvi eşqi təbliğ, tərənnüm etməklə oxucuya bu dünyanın şirinliyini, sevib-sevilməli olduğunu anladır.

Ramiz, Məcnun yada düşdü, vurğun oldum əlbəəl,
Durma artıq, sən zəhərdən dodağa yax sadəcə.

Məqtə beytdə isə sevgidə məcnunluq həddinə yetişdiyini dilə gətirir. Burada göründüyü kimi, müəllif yenə xəyalı-məcnunanə eşqə meydan verir.
Ümumiyyətlə, Ramiz Abdullayevin arzularındakı sevgi anlamında dünyəvi eşqlə sufiyanə eşqin təsvir tərənnümü paralel istiqamətdə düşünülür, yəni onun misralarında dərindən düşünüləndə ikibaşlı mənalar özünü daha çox sezdirir: Bu sətirin üst qatından görünən real-həqiqi məna, bir də misranın alt yapısından boy göstərən məcazi məna.
Digər bir nümunədən aşağıdakı beytlərə dərindən diqqət etsək, dediyimizin təsdiqini görərik:

Nazı-qəmzən də mənim canıma dərman olsun
Əridək dərdi-qəmi, arzulara dönmək üçün
Cam gətir damlası bal tək, içi şərbət dolsun
Etiraz eyləməsən, tən yarıya bölmək üçün.

Bu beytlərdə fikrin həqiqi və məcazi məna çalarları müvazi şəkildə düşünülə bilər, hər bir halda sevgi qanadının yelkənlərinin açılıb ilham pərilərini hərəkətə gətirdiyi açıq-aşkar duyulur.
Bir sözlə, Ramiz Abdullayev sevgi tərənnümçüsüdür, bu tərənnüm ifadəçisi olan lirik aşiq obrazı sənsən, mənəm, odur, bizik, bizim hər birimizdir; oxucularına sevgi duyğularını aşılayan müəllifin isə pərəstişkarları həmişə var…
Başqa bir yerdə isə:
Tapmacaya dönüb çıxdın qarşıma,
Harda dolanıram, orda sən varsan,
-deyərək sevgilisini bir sehrli həyat tapmacasına bənzədir bə “bir bəla olmusan mənim başıma” - deyərək sevdiyinə ərkyana minnət qoyur. Əlbəttə ki, bu da bir cürə priyomdur, komplimentdir ki, bunu da Ramiz müəllim özünəxas şəkildə işlədə bilir. Beləcə özünəxas deyimi, duyumu ilə Ramiz Abdullayev oxucularının üzünə bir sevgi dünyası açır.
Sevgi isə müqəddəsdir, bu müqəddəsliyə tapınanlar özləri də müqəddəsdirlər. Sevginiz qismətiniz olsun, əziz oxucularımız !
Ramiz Abdullayevin sevgi dünyası ilə üz-üzə qalıb onun yeni kitabını oxumaq da sizlərin ixtiyarınızdadır… Müəllifə isə uzun ömür, möhkəm cansağlığı və yeni-yeni yaradıcılıq uğurları arzulayırıq !

Söhrab Tahir AZƏR-AZƏR,
Xalq şairi, Prezident təqaüdçüsü;

Mədəd ÇOBANOV,
Nyu- York Elmlər Akademiyasının akademiki,
Filologiya elmləri doktoru, professor.]]> Müşviq BORÇALI Mon, 13 Jun 2016 18:18:17 +0000 Ramiz ABDULLAYEV: Bayraq!.. https://turan.info.az/azerbaycan/baki/1446-ramiz-abdullayev-bayraq.html https://turan.info.az/azerbaycan/baki/1446-ramiz-abdullayev-bayraq.html

]]> Müşviq BORÇALI Mon, 13 Jun 2016 15:26:54 +0000 Ramiz Abdullayev: AZAD EDƏCƏYİK, SƏNİ QARABAĞ!... https://turan.info.az/edebiyyat/poeziya/21-azad-edcyk-sn-qaraba.html https://turan.info.az/edebiyyat/poeziya/21-azad-edcyk-sn-qaraba.html

Ramiz ABDULLAYEV

SƏN EY VƏTƏN!...

Bu gün Vətən, sənin üçün həyatımdan keçərəm mən,
Öpüb sənin torpağını, gözlərimə çəkərəm mən,
Səni azad etmək üçün son qanımı tökərəm mən,
Arzum budur: sən ol azad, şəhid olum yolunda mən,
Təki yaşa, Azərbaycan, Odlar yurdu, sən ey Vətən.

Bəsləyərək qucağında, bol nemət bəxş etdin bizə,
Şıltaqlığa sən dözərək, nə istədik verdin bizə,
Qeyrət, namus, Vətən eşqi, - bunu sən öyrətdin bizə,
Arzum budur: sən ol azad, şəhid olum yolunda mən,
Təki yaşa, Azərbaycan, Odlar yurdu, sən ey Vətən.

Bu gün sənin üzünü bürümüş soyuq küləklər,
Günəşin üzü tutqundur, çaxır göydə də şimşəklər,
Vətən oğlu, gəl birləşək, qovuşsun arzu, diləklər,
Arzum budur: sən ol azad, şəhid olum yolunda mən,
Təki yaşa, Azərbaycan, Odlar yurdu, sən ey Vətən!

AZAD EDƏCƏYƏM, SƏNİ QARABAĞ!..
Dayanıb səngərdən baxıram sənə,
Düşmənlər sədd çəkib səninlə mənə,
Ürəyim, gözlərim bürünüb qəmə.
Düşmən sinəsinə çəkəcəyəm dağ,
Azad edəcəyəm səni, Qarabağ!

Gəzirlər dağında, həm də düzündə,
İçirlər suyundan bulaq gözündə,
Demə ki, vəfasız çıxdın sözündə.
Düşmən sinəsinə çəkəcəyəm dağ,
Azad edəcəyəm səni, Qarabağ!

Mənim də rüzgarım, günüm xoş deyil,
Çoxları didərgin, həm qaçqın deyir,
Ağlayır halıma yazılan şeir.
Düşmən sinəsinə çəkəcəyəm dağ,
Azad edəcəyəm səni, Qarabağ!

Axsa da cismimdən damla - damla qan,
Sənə qurban dedim sənindir bu can,
Baxacam hüsnündən açılanda dan.
Düşmən sinəsinə çəkəcəyəm dağ,
Azad edəcəyəm səni, Qarabağ!

SƏNİN QOLLARINDA ÖLMƏK İSTƏDİM

Düşünərək səni uzandim yatam,
Röyada hüsnünü görmək istədim.
Yorğun gündüzümü əzabin atam,
Sənin qollarında ölmək istədim.

Hər gecə təkrara dönür səhnələr,
Əllərim çöhrəndən saçları yığır.
Dəniz sahilini yuyur ləpələr,
Mənim göz yaşımı gözləyir baxir.

Bu gecən xeyirli qoy olsun sənin,
Sabahın sübh çağı mənli açılsın.
Ramiz, süz badənə mey dolsun sənin,
İç ki, sübh dumanlı, çənli açılsın.]]> Müşviq BORÇALI Mon, 13 Jun 2016 13:05:55 +0000 Ramiz ABDULLAYEV: Şeir qanadlarında... https://turan.info.az/azerbaycan/baki/1444-ramiz-abdullayev-eir-qanadlarnda.html https://turan.info.az/azerbaycan/baki/1444-ramiz-abdullayev-eir-qanadlarnda.html

]]> Müşviq BORÇALI Mon, 13 Jun 2016 13:04:50 +0000 Ramiz ABDULLAYEV: Qəzəl https://turan.info.az/tv/1443-ramiz-abdullayev-qzl.html https://turan.info.az/tv/1443-ramiz-abdullayev-qzl.html

]]> Müşviq BORÇALI Mon, 13 Jun 2016 12:05:05 +0000 Təbrik edirik, VÜQAR ƏHMƏD!... https://turan.info.az/elm/152-tbrik-edirik-vqar-hmd.html https://turan.info.az/elm/152-tbrik-edirik-vqar-hmd.html

Bu gün Nəğməkar şair, Tanınmış alim,
filologiya elmləri doktoru, professor Vüqar Əhmədin ad günüdür.
Yaxşı yadımdadır, mənim onunla ilk tanışlığım
təxminən 15 il əvvəl AzTV-də]]> Müşviq BORÇALI Sat, 18 Apr 2015 00:07:02 +0000 "Biznesmen" Filminin Qala gecəsi https://turan.info.az/azerbaycan/146-biznesmen-filminin-qala-gecsi.html https://turan.info.az/azerbaycan/146-biznesmen-filminin-qala-gecsi.html

Şair-dramaturq Ramiz Abdullayevin eyniadlı əsəri əsasında Nail Naiboğlunun
rejissorluğu ilə lentə alınan “Biznesmen” filminin Qala gecəsi baş tutub. turan.info.az-ın məlumatına görə, xalq artisti Arif Quliyev, aktrisa Xuraman Əlizadə, aparıcılar Anar Nəcəfli, Kamran Quliyev və başqalarının rol aldığı filmin ilk nümayişi 2015-ci il aprelin 13-də Bakıdakı "Nizami" Kino Mərkəzində baş tutub.]]> Müşviq BORÇALI Wed, 15 Apr 2015 01:16:09 +0000